ခဲစၢးစံထံၣ် တၢ်ဃုထၢအခီၣ်ထံး တၢ်ဟံးစုနဲၣ်ကျဲ

ခဲစၢးစံထံၣ် အဝ့ၢ်ခိၣ် ဒီး ဝ့ၢ်ကီၣ်စ့ၣ် တၢ်ဃုထၢလၢခါဆူညါန့ၣ် စးထီၣ်အသးလၢ ဝ့ၢ်ပူၤတၢ်ဃုထၢအခီၣ်ထံးလီၤ. လၢတၢ်ဃုထၢအလီၢ်ကိးလီၢ်ဒဲးအပူၤ, ပာ်ဃုာ်ဒီး ဝ့ၢ်ခိၣ်အတၢ်ဃုထၢန့ၣ်, ပှၤခံဂၤလၢ အန့ၢ်ဘၣ်တၢ်ဖးအါကတၢၢ် ကလဲၤထီၣ်ဆူ တၢ်ဃုထၢဖးဒိၣ် အပူၤလီၤ. ဖဲန့ၣ် ပှၤလၢအန့ၢ်ဘၣ် တၢ်ဖးအါကတၢၢ်တဂၤ ကမၤနၢၤဘၣ် လီၢ်ဆ့ၣ်နီၤန့ၣ်လီၤ.

တၢ်န့ၢ်မဲအါန့ၢ်ဒံးတဝာ်လၢ လါအ့ဖြ့ၣ်အပူၤန့ၣ် တမၤကတၢၢ်ကွံာ် တၢ်ဃုထၢအံၤဘၣ်. ပှၤလၢအန့ၢ်မဲအါကတၢၢ်ခံဂၤန့ၣ် ကဘၣ်လဲၤဆူ တၢ်ဃုထၢဖးဒိၣ်အပူၤဒံးလီၤ.

လၢတၢ်ဖးစးခိအပူၤ ကပာ်ဖျါဝဲ Democrat မ့တမ့ၢ် Republican ဧါ?

တပာ်ဖျါဘၣ်. ခဲစၢးစံထံၣ် အတၢ်ဃုထၢတဖၣ်န့ၣ် တဘၣ်ထွဲဒီး ထံရူၢ်ကီၢ်သဲးပၣ်တံၣ်ဘၣ်, ဒီးလၢတၢ်ဖးစးခိအပူၤစ့ၢ်ကီး ပၣ်တံၣ်အမံၤ တအိၣ်ဖျါဘၣ်.

ဘၣ်မနုၤအဃိ မံၣ်စူရံၣ် ကိးဝဲ လါအ့ဖြ့ၣ် ၆ သီ လၢ တၢ်ဃုထၢဖးဒိၣ်လဲၣ်?

မံၣ်စူရံၣ် အလံာ်နံၣ်လံာ်လါန့ၣ် ကိးဝဲ လါအ့ဖြ့ၣ် ၆ သီ လၢ ဝ့ၢ်ပူၤတၢ်ဃုထၢဖးဒိၣ်မုၢ်နံၤ (General Municipal Election Day), ဒီးနကထံၣ်ဘၣ် တၢ်ကတိၤတဖၣ်အံၤ လၢနတၢ်ဖးစးခိအပူၤသ့ဝဲလီၤ. လၢဝ့ၢ်ခိၣ် ဒီး ဝ့ၢ်ကီၣ်စ့ၣ် အဂီၢ်န့ၣ် လါအ့ဖြ့ၣ် ၆ သီ မ့ၢ်ဝဲ တၢ်ဃုထၢအခီၣ်ထံး, ဒီး တၢ်ဃုထၢဖးဒိၣ်န့ၣ် ကပိာ်ထွဲထီၣ်အခံ လၢမုၢ်နံၤလၢ ဝ့ၢ်သဲစးမိၢ်ပှၢ် ပာ်ပနီၣ်ဝဲအဖီခိၣ်လီၤ.

ဝ့ၢ်ခိၣ်, ကီၣ်စ့ၣ် အလီၢ်လၢဝ့ၢ်ဒီတဘ့ၣ်အဂီၢ် ဃုလီၢ် ဒီး ကီၣ်စ့ၣ် အလီၢ်လၢကဝီၤပူၤ ဃုလီၢ်န့ၣ် အိၣ်ဖျါလၢ တၢ်ဖးစးခိအပူၤ, ဒီးတလီၢ်စုာ်စုာ်အဂီၢ် တၢ်ဖံးတၢ်မၤအတီၢ်မ့ၢ်ဝဲ လွံၢ်နံၣ်လီၤ. နဃုထၢ ဝ့ၢ်ခိၣ်, အလီၢ်လၢဝ့ၢ်ဒီတဘ့ၣ်အဂီၢ် ဃုလီၢ်လၢာ် ဒီး အလီၢ်လၢကဝီၤပူၤ တလီၢ်သ့ဝဲလီၤ. တၢ်ဖံးတၢ်မၤအတီၢ်အသီတဖၣ် ကစးထီၣ်ဝဲလၢ လါအီကူး ၁ သီ, ၂၀၂၇ နံၣ်လီၤ.

ဝ့ၢ်အတၢ်သံကွၢ်တဖၣ် ဒီး လီၢ်ကဝီၤပူၤ တၢ်ဃုထၢအဂၤတဖၣ် ကအိၣ်ဖျါစ့ၢ်ကီးလၢ နတၢ်ဖးစးခိအပူၤသ့ဝဲ, ဒီး နတၢ်ဖးစးခိအဒိ ကပာ်ဖျါထီၣ် တၢ်တဖၣ်န့ၣ်လီၤ.

မတဂၤနုာ်လီၤတၢ်ဃုထၢ လၢဝ့ၢ်ခိၣ် ဒီး ဝ့ၢ်ကီၣ်စ့ၣ်အဂီၢ်လဲၣ်?

နတၢ်ဖးစးခိအဒိ ကပာ်ဖျါထီၣ် ပှၤနုာ်လီၤတၢ်ဃုထၢတဖၣ်အမံၤ လၢနလီၢ်အိၣ်နီၢ်ဂံၢ်အဂီၢ်လီၤ. ပှၤနုာ်လီၤတၢ်ဃုထၢတဖၣ် ဆဲးလီၤအမံၤ စးထီၣ်လၢ လါဒံၣ်စဲဘၢၣ် ၈ သီ, ၂၀၂၆ နံၣ် တုၤလၢ လါယနူၤအါရံၤ ၁၂ သီ, ၂၀၂၇ နံၣ်, လၢ ဝ့ၢ်အနဲၣ်ရွဲၣ် (City Clerk) မ့တမ့ၢ် တၢ်ဃုထၢအပှၤဘၣ်မူဘၣ်ဒါ အအိၣ်လီၤ. ဖဲတၢ်ဆဲးလီၤမံၤ ပာ်တံာ်ဝဲအခါ မံၤစရီအံၤ တမ့ၢ်အကတၢၢ်ဒံးဘၣ်. ပှၤကဘၣ်သမံသမိးကွၢ် စုမုၢ်ကျၢၢ်တဖၣ်ဒံးဝဲ, ဒီးကီၢ်စဲၣ် အမုၢ်နံၤအကတၢၢ်လၢ ကပာ်ဂၢၢ်ပာ်ကျၢၤ တၢ်ဖးစးခိအဂီၢ် မ့ၢ်ဝဲ လါယနူၤအါရံၤ ၂၆ သီ, ၂၀၂၇ နံၣ်လီၤ.

တၢ်ဖးစးခိအဒိတဖၣ် တၢ်ကပာ်ဖျါထီၣ်အီၤလၢ အဆၢကတီၢ်ဖဲလဲၣ်?

နတၢ်ဃုထၢအပှၤဘၣ်မူဘၣ်ဒါ ကပာ်ဖျါထီၣ် နတၢ်ဖးစးခိအဒိ တချုးလၢ တၢ်ဃုထၢဘၣ်ဒံးဘၣ် ဃုနွံအတီၢ်ပူၤလီၤ. KCEB စံးဝဲလၢ အဝဲသ့ၣ် အတၢ်ဖးစးခိအဒိန့ၣ် ဟဲထီၣ်ဝဲ တချုးလၢ တၢ်ဃုထၢကိးဘျီဒဲးဘၣ်ဒံးဘၣ် ဃုနွံလီၤ. နတၢ်ဖးစးခိအဒိန့ၣ် ကပာ်ဖျါထီၣ် တၢ်ဃုထၢ ဒီး တၢ်သံကွၢ်ကိးမံၤဒဲး လၢနလီၢ်အိၣ်နီၢ်ဂံၢ်အဂီၢ်လီၤ.

ပှၤဟ့ၣ်တၢ်ဖးကိးဂၤဒဲးလၢအဆဲးလီၤမံၤလၢ ခဲစၢးစံထံၣ်, မံၣ်စူရံၣ် (KCMO) အပူၤန့ၣ်, ဟ့ၣ်တၢ်ဖးလၢ ဝ့ၢ်ခိၣ် ဒီး ကီၣ်စ့ၣ် အလီၢ်လၢဝ့ၢ်ဒီတဘ့ၣ်အဂီၢ် ဃုလီၢ်လၢာ်အဂီၢ်သ့ဝဲလီၤ. ထဲဒၣ်ပှၤဟ့ၣ်တၢ်ဖးလၢ အအိၣ်လၢ ကီၣ်စ့ၣ်ဟီၣ်ကဝီၤ အပူၤတဖၣ် ဟ့ၣ်တၢ်ဖးလၢ ဟီၣ်ကဝီၤတဘ့ၣ်န့ၣ် အလီၢ်လၢဟီၣ်ကဝီၤပူၤအဂီၢ် သ့ဝဲလီၤ. တၢ်သိၣ်တၢ်သီတဖၣ်န့ၣ် မ့ၢ်တၢ်ဒ်သိးသိးလၢ လါအ့ဖြ့ၣ် ဒီး လါယူၤ အပူၤန့ၣ်လီၤ.

အလီၢ်လၢဝ့ၢ်ဒီတဘ့ၣ်အဂီၢ် ဒီး အလီၢ်လၢဟီၣ်ကဝီၤပူၤအဂီၢ် လီၤဆီလိာ်အသးဒ်လဲၣ်.

ကီၣ်စ့ၣ်ဟီၣ်ကဝီၤ ဃုဘ့ၣ်အကျါ တဘ့ၣ်စုာ်စုာ်အိၣ်ဒီးအလီၢ်ခံလီၢ်လီၤ. ဝ့ၢ်ဒီတဘ့ၣ်ဃုထၢဝဲ ပှၤခၢၣ်စးလၢဝ့ၢ်ဒီတဘ့ၣ်အဂီၢ်, လၢအကဘၣ်အိၣ်လၢ ဟီၣ်ကဝီၤတဘ့ၣ်န့ၣ်အပူၤလီၤ. ထဲဒၣ်ဟီၣ်ကဝီၤတဘ့ၣ်န့ၣ် အပှၤဟ့ၣ်တၢ်ဖးတဖၣ် ဃုထၢဝဲ ပှၤခၢၣ်စးလၢဟီၣ်ကဝီၤပူၤအဂီၢ်န့ၣ်လီၤ.

လၢ မံၣ်စူရံၣ် (Missouri) ကီၢ်စဲၣ်ပူၤ မတၤတဖၣ် ကွဲးနုာ်လီၤမံၤလၢ တၢ်ဟ့ၣ်တၢ်ဖးသ့လဲၣ်.

လၢတၢ်ကဟ့ၣ်တၢ်ဖးအဂီၢ်, နကဘၣ်မ့ၢ် U.S. ထံဖိကီၢ်ဖိ, ပှၤအိၣ်လၢ မံၣ်စူရံၣ် ဒီး နသးနံၣ်ကဘၣ်ပှဲၤ ၁၈ နံၣ် လၢ တၢ်ဃုထၢမုၢ်နံၤ မ့တမ့ၢ် တချုး တၢ်ဃုထၢမုၢ်နံၤ ဘၣ်န့ၣ်လီၤ. နဆဲးလီၤမံၤဖဲ နသးနံၣ်အိၣ် ၁၇ နံၣ်ဒီးတဝာ် အခါသ့ဝဲလီၤ.

နမ့ၢ်အိၣ်ဒီး တၢ်စံၣ်ညီၣ်လၢတၢ်မၤကမၣ်သဲစးအဂီၢ်, မ့တမ့ၢ် နမ့ၢ်အိၣ်လၢတၢ်ဖီၣ်ဃာ်အပူၤ, အိၣ်လၢတၢ်မၤကွၢ်အပူၤ မ့တမ့ၢ် အိၣ်လၢတၢ်ပျဲထီၣ်ဃာ်ဒီးတၢ်သိၣ်တၢ်သီအပူၤန့ၣ်, သံကွၢ်နပှၤဘၣ်မူဘၣ်ဒါလၢတၢ်ဃုထၢ တက့ၢ်လၢ မ့ၢ်နဟ့ၣ်တၢ်ဖးသ့ဧါန့ၣ်လီၤ.

ဆဲးလီၤမံၤတချုး မုၢ်ပျဲၤနံၤ, လါမၢ်ၡး ၁၀ သီ, ၂၀၂၇ နံၣ်, ဒ်သိးနကဟ့ၣ်တၢ်ဖးလၢ လါအ့ဖြ့ၣ် ၆ သီ တၢ်ဃုထၢအခီၣ်ထံးအပူၤအဂီၢ်တက့ၢ်. နဆဲးလီၤမံၤ မ့တမ့ၢ် မၤသီထီၣ် နတၢ်ဂ့ၢ်တၢ်ကျိၤလၢ အီလဲ online, လၢလံာ်ပရၢ မ့တမ့ၢ် နလဲၤနီၢ်ကစၢ်သ့ဝဲလီၤ. လံာ်ကွီၢ်ဒိလၢတၢ်ဆှၢအီၤလၢ လံာ်ပရၢန့ၣ် ကဘၣ်အိၣ်ဒီး လံာ်ပရၢဝဲၤဒၢးအတၢ်စံၣ်ပနီၣ် တချုးမုၢ်နံၤလၢအကတၢၢ်ဘၣ်န့ၣ်လီၤ. နမ့ၢ်လဲၤဆဲးလီၤမံၤနီၢ်ကစၢ်န့ၣ်, လဲၤတချုးလၢ ဝဲၤဒၢးပာ်တံာ်ဒံးဘၣ်န့ၣ်တက့ၢ်.

KCEB ပာ်ဖျါထီၣ်ဝဲ အဝဲၤဒၢး, လံာ်ဖးဟံၣ်အဝဲၤဒၢးဖိတဖၣ် ဒီး City Clerk’s Office (ဝ့ၢ်နဲၣ်ရွဲၣ်အဝဲၤဒၢး) တဖၣ် ဒ်အမ့ၢ်တၢ်လီၢ်လၢ ပှၤလဲၤဆဲးလီၤမံၤနီၢ်ကစၢ်သ့ဝဲအသိးန့ၣ်လီၤ.

နမ့ၢ်သုးလီၢ်အိၣ်

မၤသီထီၣ် န လီၢ်အိၣ်နီၢ်ဂံၢ် တချုး လါမၢ်ၡး ၁၀ သီ, ၂၀၂၇ နံၣ်ဘၣ်န့ၣ်တက့ၢ်. နမ့ၢ်လီၤမၢ် မုၢ်နံၤအဝဲန့ၣ်န့ၣ်, ကိးနပှၤဘၣ်မူဘၣ်ဒါလၢတၢ်ဃုထၢတက့ၢ်. တၢ်လၢနကဘၣ်မၤအီၤခံတမံၤန့ၣ် ဒိးသန့ၤထီၣ်အသးလၢ နသုးလီၢ်အိၣ်ဟဲဖဲလဲၣ်အဖီခိၣ်န့ၣ်လီၤ.

နမ့ၢ်အိၣ်လၢသုးကျိၤအပူၤ မ့တမ့ၢ် အိၣ်လၢထံဂုၤကီၢ်ဂၤအပူၤန့ၣ်, ဆဲးကျိးနတၢ်ဃုထၢအကမံးတံာ်ဆိဆိတက့ၢ်.

တၢ်ဟ့ၣ်တၢ်ဖးဆိ စးထီၣ်ဖဲ လါမၢ်ၡး ၂၃ သီ တုၤလၢ လါအ့ဖြ့ၣ် ၅ သီ, ၂၀၂၇ နံၣ်န့ၣ်လီၤ. လဲၤဟ့ၣ်တၢ်ဖးနီၢ်ကစၢ်ဒီး တၢ်ဂီၤပနီၣ်စးခိ တက့ၢ်. တလိၣ်တၢ်ဂ့ၢ်တၢ်ကျိၤလၢအလီၤဆီဘၣ်.

တၢ်ဃုထၢကမံးတံာ်တဖုစုာ်စုာ် ပာ်ဖျါထီၣ်အဝဲသ့ၣ်အတၢ်ဖးလီၢ်ဒီးတၢ်ဆၢကတီၢ်အနၣ်ရံၣ်တဖၣ်န့ၣ်လီၤ. ဖဲလါအ့ဖြ့ၣ် ၅ သီန့ၣ်, အဝဲသ့ၣ်အရူနီၢ်ကစၢ်တူၢ်လိာ်ပှၤဟ့ၣ်တၢ်ဖးတုၤလၢ ဟါ ၅ နၣ်ရံၣ်, ဒီးတၢ်ဖးလီၢ်အဂၤတဖၣ် ဘၣ်သ့ၣ်သ့ၣ်ကပာ်တံာ်ဆိန့ၢ်အန့ၣ်လီၤ.

ဟ့ၣ်တၢ်ဖးဖဲနတၢ်ဃုထၢကမံးတံာ်အရူနီၢ်ကစၢ်တက့ၢ်, တမ့ၢ်လၢခီထံၣ်အဂၤအရူဘၣ်.

ခဲစၢးစံထံၣ် လၢ ကၠဲးကစၢၣ်ခီထံၣ်အပူၤ

KCEB Voting Center, 4405 E. 50th Terrace, ခဲစၢးစံထံၣ်. အဝဲသ့ၣ်သူသကိးသိလ့ၣ်အလီၢ်အိၣ်ကတီၢ်တပူၤဃီဒီးရူမိၢ်ပှၢ်န့ၣ်လီၤ.

ခဲစၢးစံထံၣ် လၢ ခလ့ခီထံၣ်အပူၤ

100 W. Mississippi St., Liberty

ခဲစၢးစံထံၣ် လၢ ဖလဲးခီထံၣ်အပူၤ

2600 NW Prairie View Road, Platte City

ခဲစၢးစံထံၣ် လၢ ခဲးစ်ခီထံၣ်အပူၤ

102 E. Wall Street, Harrisonville

တၢ်ဟ့ၣ်တၢ်ဖးလၢပှၤတဟဲတုၤလၢတၢ်ဖးလီၢ်အဂီၢ် ဃုာ်ဒီးတၢ်ဂ့ၢ်တၢ်ကျိၤ

တၢ်ဟ့ၣ်တၢ်ဖးလၢပှၤတဟဲတုၤလၢတၢ်ဖးလီၢ်အဂီၢ် ဃုာ်ဒီးတၢ်ဂ့ၢ်တၢ်ကျိၤန့ၣ် စးထီၣ်အိးထီၣ်ဖဲ လါဖ့ၤဘြူၤအါရံၤ ၂၃ သီ, ၂၀၂၇ နံၣ်, ဃုနွံတချုးလၢတၢ်ဃုထၢစးထီၣ်ဒံးဘၣ်န့ၣ်လီၤ. နမ့ၢ်လဲၤဟ့ၣ်တၢ်ဖးနီၢ်ကစၢ်န့ၣ် ဟဲစိာ်ဃုာ် တၢ်ဂီၤပနီၣ်စးခိ တက့ၢ်. ကီၢ်စ့ၣ်မံၣ်စူရံၣ် တူၢ်လိာ်ဝဲတၢ်ဂ့ၢ်တၢ်ကျိၤ ဃုမံၤလီၤ–

• တၢ်တအိၣ်လၢ နတၢ်ဃုထၢကမံးတံာ်အဟီၣ်ကဝီၤပူၤ ဖဲတၢ်ဃုထၢမုၢ်နံၤ
• တၢ်ဆူးတၢ်ဆါ မ့တမ့ၢ် နီၢ်ခိက့ၢ်ဂီၤတလၢတပှဲၤ, ပာ်ဃုာ်ဒီးတၢ်ကွၢ်ထွဲပှၤတဂၤဂၤလၢအအိၣ်ဖဲနလီၢ်အိၣ်နီၢ်ဂံၢ် လၢအဆူးအဆါ မ့တမ့ၢ် နီၢ်ခိက့ၢ်ဂီၤတလၢတပှဲၤ
• တၢ်ဘါအတၢ်စူၢ်တၢ်နာ် မ့တမ့ၢ် တၢ်ဘါအလုၢ်အလၢ်တၢ်မၤ
• တၢ်မၤတၢ်လၢတၢ်ဃုထၢဝဲၤကျိၤအဂီၢ် လၢအယံၤဒီးနတၢ်ဖးဟ့ၣ်အလီၢ်, မ့တမ့ၢ် မၤတၢ်ဒ်ပှၤလဲၤမၤစၢၤတၢ်ဂ့ၢ်ဂီၢ်အူအခီၣ်ထံး, ပှၤမၤတၢ်ဆူၣ်ချ့တၢ်ကူစါယါဘျါ မ့တမ့ၢ် ပှၤမၤတၢ်သိၣ်တၢ်သီတၢ်ဘံၣ်တၢ်ဘၢ (ပလံး)
• တၢ်လီၤဃိာ်ဖီၣ်ဃာ်, မ့ၢ်နတၢ်ဟ့ၣ်တၢ်ဖးအခွဲးအယာ်အိၣ်ဒံးဒီးနၤန့ၣ်
• တၢ်နုာ်လီၤပာ်ဖှိၣ်လၢ ကီၢ်စဲၣ်အတၢ်ရဲၣ်တၢ်ကျဲၤလၢ အပာ်ခူသူၣ်ဒီသဒၢ လီၢ်အိၣ်နီၢ်ဂံၢ် အပူၤ

တၢ်ဟ့ၣ်တၢ်ဖးခီဖျိတၢ်ဆှၢလံာ်

တၢ်ဖးစးခိလၢပှၤတဟဲတုၤလၢတၢ်ဖးလီၢ်အဂီၢ် လၢတၢ်ဆှၢအီၤခီဖျိလံာ်ပရၢန့ၣ် လိၣ်ဘၣ်တၢ်ဂ့ၢ်တၢ်ကျိၤလၢထးတဖၣ်အကျါတမံၤထီဘိလီၤ. တၢ်ဃ့ထီၣ်တဖၣ် ဘၣ်ဆှၢအီၤဆူ နတၢ်ဃုထၢဝဲၤကျိၤအအိၣ်, တဘၣ်ဆှၢဆူ ကီၢ်စဲၣ်နဲၣ်ရွဲၣ်ခိၣ် (Secretary of State) အအိၣ်နီတဘျီတဂ့ၤ, တချုးလၢ မုၢ်ပျဲၤနံၤ, လါမၢ်ၡး ၂၄ သီ, ၂၀၂၇ နံၣ်, ဟါ ၅ နာ်ရံၣ်ဘၣ်န့ၣ်လီၤ.

ဖဲနဆဲးလီၤမံၤခီဖျိတၢ်ဆှၢလံာ် ဒီးနတဟဲဟ့ၣ်တ့ၢ်တၢ်ဖးလၢနနီၢ်ကစၢ်နီတဘျီဒံးဘၣ်န့ၣ်, နတၢ်ဃ့ထီၣ်အပူၤ လိၣ်ဘၣ်ဃုာ်ဒီး နတၢ်ဂီၤပနီၣ်စးခိ အဒိ (copy) တဘ့ၣ်လီၤ. ဖဲနဆဲးလီၤမံၤအခါ နမ့ၢ်ဆှၢဃုာ်တ့ၢ်အီၤတဘျီလံန့ၣ်, နတလိၣ်က့ၤဆှၢကဒီးအီၤဘၣ်.

နတၢ်ဖးစးခိ ကဘၣ်လဲၤတုၤလၢ နတၢ်ဃုထၢဝဲၤကျိၤအအိၣ် ဖဲတၢ်ဃုထၢမုၢ်နံၤ တချုးဟါ ၇ နာ်ရံၣ်ဘၣ်န့ၣ်လီၤ. တၢ်ဖးစးခိလၢအတုၤလီၢ်ခံန့ၣ် ပှၤတဂံၢ်ဃုာ်အီၤဘၣ်. ပှၤသုးဖိ ဒီးပှၤဟ့ၣ်တၢ်ဖးဖိလၢအအိၣ်လၢထံဂၤကီၢ်ဂၤတဖၣ် အတၢ်ဆၢကတီၢ်လၢအလီၢ်ခံကတၢၢ် အိၣ်ယံာ်န့ၢ်အဝဲန့ၣ်သ့ဝဲအဃိ, သံကွၢ်ဝဲၤဒၢးအဝဲန့ၣ်တက့ၢ်.

နဆှၢအီၤလၢလံာ်ပရၢ မ့တမ့ၢ် နလဲၤစိာ်အီၤဆူဝဲၤဒၢးအဝဲန့ၣ် လၢနနီၢ်ကစၢ်သ့ဝဲလီၤ. နဘူးနတံၢ်လၢ အဘူးဒီးနၤလၢ ပတီၢ်ခံတီၢ်အပူၤတဂၤဂၤ လဲၤစိာ်န့ၢ်အီၤသ့စ့ၢ်ကီးလီၤ. တၢ်တပျဲလၢ ပှၤကလဲၤတ့ၢ်လီၤအီၤလၢ တၢ်ဖးစးခိအတလါ (Drop boxes) အပူၤဘၣ်.

တၢ်ဖးစးခိလၢတၢ်ဆှၢလၢလံာ်ပရၢန့ၣ် အါတက့ၢ်လိၣ်ဘၣ် ပှၤအုၣ်ကီၤလံာ်တၢ်မ့ၢ်တၢ်တီ (notary) လီၤ. သံကွၢ်ဝဲၤဒၢးအဝဲန့ၣ်လၢ နတၢ်ဖးစးခိလိၣ်ဘၣ်ဝဲဧါန့ၣ်တက့ၢ်.

မံၣ်စူရံၣ် အတၢ်သိၣ်တၢ်သီလၢ ပှၤဟ့ၣ်တၢ်ဖးဖိအတၢ်ဂီၤပနီၣ်စးခိအဂီၢ် မၢနစိာ် တၢ်ဂီၤပနီၣ်စးခိ လၢအသက်တလၢာ်ဒံးဘၣ်န့ၣ်လီၤ. တၢ်အဝဲန့ၣ် မ့ၢ်သ့ဝဲ မံၣ်စူရံၣ် လဲးစ့ၣ်နီသိလ့ၣ် မ့တမ့ၢ် လဲးစ့ၣ်လၢပှၤတနီသိလ့ၣ်အဂီၢ်, ကီၢ်အမဲရကၤ ပာ်စပိး (U.S. passport), မ့တမ့ၢ် ပှၤသုးဖိ မ့တမ့ၢ် ပှၤသုးဖိလီၢ်လံၤ အတၢ်ဂီၤပနီၣ်စးခိလီၤ. တၢ်ဂီၤပနီၣ်စးခိအဂၤလၢ ကီၢ်အမဲရကၤ မ့တမ့ၢ် မံၣ်စူရံၣ် ထုးထီၣ်န့ၢ်အီၤန့ၣ် မ့ၢ်အိၣ်ဖျါဒီး အသက်လၢာ်မုၢ်နံၤမုၢ်သီန့ၣ် သူအီၤသ့စ့ၢ်ကီးလီၤ. မံၣ်စူရံၣ် လဲးစ့ၣ် မ့တမ့ၢ် တၢ်ဂီၤပနီၣ်စးခိဒ်န့ၣ်အဂၤ လၢအသက်လၢာ်ဖဲ လါနိၣ်ဝ့ဘၢၣ် ၃ သီ, ၂၀၂၆ နံၣ် အလီၢ်ခံန့ၣ် သူအီၤသ့ဒံးဝဲလီၤ.

ကီၢ်စဲၣ်အဂၤအလဲးစ့ၣ်, ကၠိဖိအတၢ်ဂီၤပနီၣ်စးခိ, တၢ်ဘူးတၢ်လဲအလံာ် (ဒ်သိးထံမ့ၣ်အူအလံာ်), စ့တၢးအလံာ်စရီ ဒီး ပှၤဟ့ၣ်တၢ်ဖးဖိအခးတဖၣ်န့ၣ် သူအီၤတသ့ဘၣ်.

နမ့ၢ်တအိၣ်ဒီး တၢ်ဂီၤပနီၣ်စးခိ ဘၣ်ဒု

လၢ တၢ်ဃုထၢမုၢ်နံၤ အပူၤ, နမ့ၢ်ဆဲးလီၤပာ်နမံၤ ဒီးနတအိၣ်ဒီး တၢ်ဂီၤပနီၣ်စးခိ လၢပှၤတူၢ်လိာ်အီၤဘၣ်ဒု, နဟ့ၣ်တၢ်ဖးစးခိလၢ တၢ်ပာ်ကီၢ်အီၤတစိၢ်တလီၢ် (provisional ballot) သ့ဝဲလီၤ. တချုးလၢ တၢ်ဖးဟ့ၣ်အလီၢ် က့ၤပာ်တံာ်ဒံးဘၣ်န့ၣ် နမ့ၢ်ဟဲက့ၤစိာ် တၢ်ဂီၤပနီၣ်စးခိ လၢပှၤတူၢ်လိာ်အီၤဆူ န တၢ်ဖးဟ့ၣ်အလီၢ် ဒု, နတၢ်ဖးအံၤ ကဘၣ်တၢ်ဂံၢ်ထီၣ်အီၤလီၤ. နတၢ်ဃုထၢ အပှၤဘၣ်မူဘၣ်ဒါ မ့ၢ်ထိၣ်သတြီၤကွၢ် နစုမုၢ်ကျၢၢ် ဒီးထံၣ်လၢ နမ့ၢ်ပှၤလၢ အဟ့ၣ်တၢ်ဖးသ့တဂၤဒု နတၢ်ဖးအံၤ ကဘၣ်တၢ်ဂံၢ်ထီၣ်အီၤစ့ၢ်ကီးလီၤ.

လၢ တၢ်ဟ့ၣ်တၢ်ဖးဆိ အဂီၢ်, ဟဲစိာ် တၢ်ဂီၤပနီၣ်စးခိ တက့ၢ်. နမ့ၢ်တအိၣ်ဒီး တၢ်ဂီၤပနီၣ်စးခိဘၣ်ဒု, တချုးနလဲၤဒံးဘၣ်န့ၣ် ကိးလီတဲစိဆူ နတၢ်ဃုထၢ အပှၤဘၣ်မူဘၣ်ဒါအအိၣ်တက့ၢ်.

မံၣ်စူရံၣ် (Missouri) ကီၢ်စဲၣ် ဟ့ၣ်လီၤ ပှၤတနီသိလ့ၣ်ဘၣ်အလဲးစ့ (nondriver license) ကလီတဘ့ၣ် လၢတၢ်ဟ့ၣ်တၢ်ဖးအဂီၢ်, ဒီးမၤစၢၤနၤဒ်သိး နကမၤန့ၢ် လံာ်တၢ်ဂ့ၢ်တၢ်ကျိၤလၢ နလိၣ်ဘၣ်တဖၣ် ဒီးဟ့ၣ်န့ၢ်အပှ့ၤလၢနဂီၢ်လီၤ. ကီၢ်စဲၣ် အလီတဲစိနီၢ်ဂံၢ်လၢ တၢ်မၤစၢၤအဂီၢ်မ့ၢ်ဝဲ 866-868-3245 လီၤ.

တၢ်ဖးဟ့ၣ်အလီၢ်တဖၣ် အိးထီၣ်ဝဲလၢ ဂီၤခီ 6 နၣ်ရံၣ် တုၤလၢ ဟါခီ 7 နၣ်ရံၣ် ဖဲ မုၢ်ယူာ်နံၤ, လါအ့ဖြ့ၣ် 6 သီ, 2027 နံၣ်လီၤ. ဖဲ ဟါခီ 7 နၣ်ရံၣ် အဆၢကတီၢ် နမ့ၢ်အိၣ်ဆၢထၢၣ်လၢ အစီၢ်ပူၤဒံးဒု, နဟ့ၣ်တၢ်ဖးသ့ဒံးဝဲလီၤ.

နတၢ်ဃုထၢ အပှၤဘၣ်မူဘၣ်ဒါ ကဘိးဘၣ်သ့ၣ်ညါနၤလၢ နကဘၣ်လဲၤဟ့ၣ်တၢ်ဖးဖဲလဲၣ်လၢ တၢ်ဃုထၢမုၢ်နံၤ အပူၤလီၤ. တချုးလၢ တၢ်ဃုထၢတဘျီစုာ်စုာ် စးထီၣ်ဒံးဘၣ် ခံနွံဃၣ်ဃၣ်န့ၣ် KCEB ဆှၢလီၤန့ၢ် ခးတဘ့ၣ်လၢ အပာ်ဖျါ န တၢ်ဖးဟ့ၣ်အလီၢ် လီၤ.

တၢ်မၤစၢၤလၢ တၢ်ဖးဟ့ၣ်အလီၢ်တဖၣ်

တၢ်ဖးဟ့ၣ်အလီၢ် ကိးတီၤဒဲး ကဘၣ်အိၣ်ဒီး တၢ်ဟ့ၣ်တၢ်ဖး အပီးအလီလၢ ပှၤနီၢ်ခိက့ၢ်ဂီၤတလၢပှဲၤတဖၣ် စူးကါအီၤသ့ညီနုၢ်လီၤ.

ခီဖျိလၢ နီၢ်ခိက့ၢ်ဂီၤတလၢပှဲၤအဃိ နမ့ၢ်နုာ်လီၤဆူအပူၤတသ့ဘၣ်ဒု, မၢပှၤတဂၤဂၤ လဲၤတဲ ပှၤမၤတၢ်လၢ တၢ်ဖးဟ့ၣ်အလီၢ်တဖၣ် ဒ်သိးကဟဲထုးထီၣ်န့ၢ်နၤ တၢ်ဖးစးခိဆူ တၢ်ချၢတက့ၢ်. နမ့ၢ်အိၣ်လၢ အပှဲၤ 200 အပူၤဒု, တၢ်ဃုထၢ အပှၤစံၣ်ညီၣ်တၢ် (election judges) ခံဂၤ, လၢအမ့ၢ် ပှၤလၢ ပၣ်တံၣ်ဒိၣ်တဖုစုာ်စုာ်အပူၤ တဖုတဂၤန့ၣ် ကဟဲစိာ်န့ၢ်အီၤဆူ နအိၣ်လီၤ.

နမ့ၢ်ဖးလံာ် မ့တမ့ၢ် ကွဲးလံာ်တသ့ဘၣ်, နမဲာ်မ့ၢ်တထံၣ်တၢ်ဘၣ် မ့တမ့ၢ် နမ့ၢ်အိၣ်ဒီး နီၢ်ခိက့ၢ်ဂီၤတလၢပှဲၤဘၣ်ဒု, နဟဲကိးဃုာ် ပှၤမၤစၢၤနၤတဂၤသ့လီၤ. ပှၤလၢအမၤစၢၤနၤတဂၤန့ၣ် အသးတလိၣ်ပှဲၤထီၣ် 18 နံၣ် မ့တမ့ၢ် ဆဲးလီၤပာ်အမံၤလၢ တၢ်ဟ့ၣ်တၢ်ဖးအဂီၢ်ဘၣ်. ပှၤမၤစၢၤတၢ်လၢ အတမ့ၢ် တၢ်ဃုထၢ အပှၤစံၣ်ညီၣ်တၢ် မ့တမ့ၢ် နဟံၣ်ဖိဃီဖိဘူးတံၢ်တဂၤဘၣ်န့ၣ် မၤစၢၤဝဲပှၤဟ့ၣ်တၢ်ဖးသ့ ထဲတဂၤဧိၤလီၤ. နဃ့တၢ်မၤစၢၤလၢ တၢ်ဃုထၢ အပှၤစံၣ်ညီၣ်တၢ် ခံဂၤလၢ အဟဲလၢ ပၣ်တံၣ်လီၤဆီလိာ်သးအပူၤ သ့စ့ၢ်ကီးလီၤ.

လၢတၢ်မၤစၢၤလၢ ကျိာ်အဂၤတကျိာ်အဂီၢ်, ကိးလီတဲစိဆူ နတၢ်ဃုထၢ အပှၤဘၣ်မူဘၣ်ဒါအအိၣ်တက့ၢ်.

ပာ်ဖျါထီၣ်တၢ်ဂ့ၢ်ကီ

ကိးလီတဲစိဆူ နတၢ်ဃုထၢကမံးတံာ်အအိၣ် အခီၣ်ထံးတက့ၢ်. နကိးလီတဲစိဆူ ကီၢ်စဲၣ်အတၢ်ဃုထၢလီတဲစိနီၢ်ဂံၢ်လၢ 800-669-8683 မ့တမ့ၢ် သူအဝဲသ့ၣ်အလံာ်တၢ်ကဒူးကဒ့ၣ် သ့စ့ၢ်ကီးလီၤ.

တၢ်ဃုထၢကမံးတံာ် လွံၢ်ဖု မၤစၢၤဝဲ ခဲစၢးစံထံၣ် ပှၤဟ့ၣ်တၢ်ဖးဖိတဖၣ်, ဒီး နဘၣ်ထွဲဒီးကမံးတံာ်ဖဲလဲၣ်တဖုန့ၣ် ဒိးသန့ၤထီၣ်အသးလၢ တၢ်လီၢ်လၢနအိၣ်န့ၣ်လီၤ. မ့ၢ်ဝဲဝဲၤဒၢးလၢ နသံကွၢ်တၢ်ဘၣ်ဃးဒီး တၢ်ဖးဟ့ၣ်အလီၢ်, တၢ်ဟ့ၣ်တၢ်ဖးဆိအလီၢ်, တၢ်ဆၢကတီၢ်နၣ်ရံၣ်, တၢ်ဖးစးခိအဒိ ဒီး နတၢ်ဆဲးလီၤမံၤအဂ့ၢ်သ့န့ၣ်လီၤ.

ခဲစၢးစံထံၣ် လၢ ကၠဲးကစၢၣ်ခီထံၣ်အပူၤ

ခဲစၢးစံထံၣ် တၢ်ဃုထၢ ကမံးတံာ်4407 Dr. Martin Luther King Jr. Blvd, ခဲစၢးစံထံၣ်, MO 64130816-842-4820

ခဲစၢးစံထံၣ် လၢ ခလ့ခီထံၣ်အပူၤ

ခလ့ခီထံၣ် တၢ်ဃုထၢကမံးတံာ် ပှၤဘၣ်မူဘၣ်ဒါတဖၣ်100 W. Mississippi St., Liberty, MO 64068816-415-8683

ခဲစၢးစံထံၣ် လၢ ဖလဲးခီထံၣ်အပူၤ

ဖလဲးခီထံၣ် တၢ်ဃုထၢကမံးတံာ်2600 NW Prairie View Road, Platte City, MO 64079816-858-4400

ခဲစၢးစံထံၣ် လၢ ခဲးစ်ခီထံၣ်အပူၤ

ခဲးစ်ခီထံၣ် နဲၣ်ရွဲၣ်102 E. Wall Street, Harrisonville, MO 64701816-380-8102

ကၠဲးကစၢၣ်ခီထံၣ် တၢ်ဃုထၢကမံးတံာ် တမၤစၢၤဝဲ ခဲစၢးစံထံၣ် ပှၤဟ့ၣ်တၢ်ဖးဖိတဖၣ်ဘၣ်. တၢ်ပာ်ဖျါထီၣ်အီၤလၢ ပှၤလၢအအိၣ်လၢ ဝ့ၢ်အချၢတဖၣ်အဂီၢ်လီၤ.

ကၠဲးကစၢၣ်ခီထံၣ် လၢခဲစၢးစံထံၣ် အချၢ

ကၠဲးကစၢၣ်ခီထံၣ် တၢ်ဃုထၢ ကမံးတံာ်215 N. Liberty St., Independence, MO 64050816-325-4600