Abantu bagera kuri 200 bateraniye ku wa Gatandatu mu mujyi rwa gati wa Kansas City mu gutangiza KC Tenants Power, umuryango uvukana na KC Tenants imaze kwishimira intsinzi nyinshi kuva yashingwa mu 2019.
KC Tenants Power izibanda ku burezi no kubaka ubushobozi bwa politiki.
Abayishyigikiye, benshi bambaye imipira y'umuhondo ya KC Tenants, bateraga akaruru muri Ilus Park kandi bafashe ibyapa byanditseho “Ubukode burahanitse cyane” na “Umujyi wacu ejo hazaza hacu.”
Bamwe mu bafashe ijambo muri icyo gikorwa baciye amarenga yo kwiyamamaza mu Nama Njyanama y'Umujyi.
Johnathan Duncan, utuye mu Karere ka Gatandatu, yavuze ko ayo mahirwe “rwose anyura mu bitekerezo byanjye” kandi ko ashyigikiye “imiyoborere ihuriweho.”
“Ndashaka kubona abayobozi b’umujyi wacu bayoborwa n'abaturage babatoye ngo babakorere,” ni ko yavuze. “Iyo abayobozi b’umujyi wacuemeje amateka y'umujyi atwirukana mu byacu, bagomba kubibazwa n’abo baturage.”
Nubwo abagize KC Tenants bateraga akaruru, Inama Njyanama y'Umujyi muri Kanama yoroshye ibisabwa abubatsi b'imishinga mu kubaka amacumbi ahendutse, aho yemeje ko ahendutse ari ayishyurwa hafi 1,200 dollars ku kwezi ku nzu ifite icyumba kimwe cyo kuraramo.
Abayobozi ba KC Tenants Power bavuze ku wa Gatandatu ko iryo tsinda rizategura ibiganiro byo gutega amatwi abaturage kandi rikazashyigikira abakandida ba politiki mu matora azaza. Denise Brown yavuze ko ashyigikiye umushinga w'inguzanyo ya miliyoni 50 dollars uzashyirwa mu Kigega cy'Amacumbi cy'umujyi uzatorerwa mu Ugushyingo.
Ukwezi gushize, raporo y'umujyi yavuze ko hari icyuho cy'amacumbi 27,000 ku bakodesha binjiza 30% cyangwa munsi y'umushahara ugereranyije.
“Tugiye gukomanga ku miryango 25,000 kugira ngo iyo nguzanyo y'umujyi yemezwe,” niko Brown yavuze. “Ubwo tuzatsinda, bibuke neza ko ari abaturage bazaba bageze kuri ayo mafaranga kandi akaba ari abaturage bagomba gufata icyemezo cy'uko akoreshwa.”
Daj Moreland yabwiye imbaga y'abari aho ko ashaka gutura mu mujyi aho yabona icumbi ritamusaba gutanga kimwe cya kabiri cy'umushahara we.
“Umujyi aho abari ku butegetsi ari abantu bameze nk'abaturanyi banjye, abantu banyuze mu bibazo nk'ibyanjye kandi barwanirira ibihumbi mirongo by'abantu bameze nkanjye, bameze nkatwe,” niko yavuze. “Ndi hano uyu munsi kuko nemera ko KC Tenants Power inyegereza intambwe imwe kuri izo nzozi.”
Duncan yavuze ko kuba ari muri KC Tenants Power bimuha icyizere.
“Ubu ngubu, nemera ko umujyi wacu uramutse ukomeje muri iyi nzira, abana bari gukura ubu batazashobora kubaho bamaze gukura mu midugudu bakuriyemo. ... Icyifuzo cyanjye ni uko twahagarika ibyo ntibibe, kugira ngo buri wese muri uyu mujyi, ushaka kuba muri uyu mujyi, azagire aho atura,” niko yavuze.
KC Tenants yashinzwe muri Gashyantare 2019. Kuva icyo gihe, iryo tsinda ryashoboye gutuma hatambuka itegeko riha abakodesha uburenganzira bwo kubona umwunganizi mu mategeko (Right to Counsel), ryafashije gutinza iyirukanwa ry'abakodesha mu nzu mu gihe cy'icyorezo, kandi ryahurije hamwe abanyamuryango barenga 4,300 mu ihuriro rikora mu mujyi wose.
