ပှၤဟ့ၣ်တၢ်ဖးတဖၣ် ကဘၣ်တၢ်ဃ့အီၤလၢ ကတူၢ်လိာ် စ့လံာ်အၢၣ်လီၤ (bonds) အဒီးလၣ် 50 မံလယၢၣ် ဒ်သိးကပာ်လီၤစ့လၢ ဟံၣ်လၢအပှ့ၤဘၣ်ဒီးပှၤဒိးလဲအိၣ်သ့ အဂီၢ် ဖဲ KCMO အပူၤ

ခဲစၢးစံထံၣ်, မံၣ်စူရံၣ် (MO) — ပှၤဃုထၢတၢ်ဖိသ့ၣ်တဖၣ် ဖဲအတူၢ်လိာ် ပှၤဂ့ၢ်ဝီတၢ်ဒုးလိၢ်စ့ (bond issue) ဒီလၣ် ၅၀ ကကွဲၢ် အခါ ဒ်သိးအကမၤလီၤတံၢ်ဝဲလၢ တၢ်ကဆှၢလီၤစ့တဖၣ်အံၤဆူ တၢ်သူၣ်ထီၣ်ဟံၣ်ဃီစ့ပာ်ကီၤ အအိၣ်အဂီၢ် တၢ်ရဲၣ်ကျဲၤပှၤသုးဘူးသုးတံၢ်ကမံးတံာ် (Neighborhood Planning Committee) ပာ်ဂၢၢ်ပာ်ကျၢၤဝဲ တၢ်ဆၢတဲာ်တခါန့ၣ်လီၤ

တၢ်သံကွၢ် 2 လၢ လါနိၣ်ဝ့ဘၢၣ် တၢ်ဖးဖီစဲးခိၣ် ဖဲ KCMO အပူၤန့ၣ် ဃ့ဝဲ ပှၤဟ့ၣ်တၢ်ဖးတဖၣ် လၢကတူၢ်လိာ် တၢ်ထုးထီၣ် ကမျၢၢ်မူဒါစ့လံာ်အၢၣ်လီၤ (general obligation bonds) အဒီးလၣ် 50 မံလယၢၣ် ဒ်သိးကပာ်လီၤစ့လၢ ဟံၣ်လၢအပှ့ၤဘၣ်ဒီးပှၤဒိးလဲအိၣ်သ့ အဂီၢ် ဒီး ကထုးထီၣ်ကွံာ် တၢ်လီၢ်ဟးဂီၤတဖၣ်အဂီၢ်လီၤ.

ပှၤဘူးပှၤတံၢ်တၢ်ရဲၣ်တၢ်ကျဲၤကမံးတံာ် (Neighborhood Planning Committee) တူၢ်လိာ်ဝဲ တၢ်ဆၢတဲာ်တခါ လၢကအၢၣ်လီၤမၤလီၤတံၢ်ဝဲလၢ စ့တဖၣ် ကဘၣ်တၢ်ဆှၢအီၤဆူ တၢ်သူၣ်ထီၣ်ဟံၣ်ဃီစ့ပာ်ကီၤ အအိၣ်လီၤ.

KC Tenants အပှၤဘၣ်မူဘၣ်ဒါတဖၣ် နီၤဟ့ၣ်ဝဲ တၢ်ဂ့ၢ်တၢ်ကျိၤတဖၣ် ဒီး တၢ်အိၣ်မူအတၢ်ကီတၢ်ခဲတဖၣ် လၢအဟးဂီၤဝဲခီဖျိ တၢ်အိၣ်တ့ၢ်ဟံၣ်ဃီတအိၣ် ဒီး ခီဖျိ ဟံၣ်ဃီအပှ့ၤဒိၣ်တလၢ လၢပှၤဒိးလဲအိၣ်အီၤတန့ၢ်လၢၤဘၣ်အဃိလီၤ.

“တချုးလၢ ယဒိးလဲအိၣ် ဟံၣ်ဒွဲဖဲ ဝ့ၢ်သးကံၢ်ပူၤ (midtown) တန့ၢ်လၢၤဘၣ်အခါ တယံာ်ဘၣ်ဒီး ယထံၣ်လီၤက့ၤယသးလၢ ယကဲထီၣ်ပှၤလၢ အဟံၣ်အဃီတအိၣ် ဒီး ယဘၣ်လဲၤမံလၢ ပှၤဂၤအဟံၣ်တဖျၢၣ်ဝံၤတဖျၢၣ် 6 လါညါလီၤ,” KC Tenants အပှၤဘၣ်မူဘၣ်ဒါတဂၤ တဲဘၣ်ဝဲ ကီၣ်စ့ၣ်ပှၤဘၣ်မူဘၣ်ဒါတဖၣ်လီၤ.

တၢ်ဆၢတဲာ်အံၤ ဘၣ်တၢ်တူၢ်လိာ်အီၤလၢ ပှၤကိးဂၤဒဲးအတၢ်ထံၣ်တဖှိၣ်ဃီလီၤ.

“ပမၤသကိးတၢ်တပူၤဃီန့ၣ် ပမၤလီၤတံၢ်သ့လၢ ပှၤကိးဂၤဒဲးလၢ ပဝ့ၢ်ပူၤ ကအိၣ်ဒီးဟံၣ်ဃီ, ကအိၣ်ဒီးတၢ်အီၣ်တၢ်အီ, ဒီး ကဒိးန့ၢ်ဘၣ် တၢ်ဂံၢ်တၢ်ဘါတဖၣ် လၢအလိၣ်ဘၣ်လၢ ကအိၣ်ဒီး တၢ်အိၣ်မူလၢ အအိၣ်ဆူၣ်အိၣ်ချ့ ပူၤဖျဲး ဒီး ပှဲၤဒီးတၢ်သူၣ်ခုသးခု အဂီၢ်လီၤ,” KC Tenants အပှၤဘၣ်မူဘၣ်ဒါတဂၤ စံးဝဲလီၤ.

ကီၣ်စ့ၣ်ပှၤဘၣ်မူဘၣ်ဒါ Melissa Robinson ဒီး KC Tenants အခိၣ်အနၢ်တဖၣ် စံးဝဲလၢ ကျိၣ်စ့အံၤ ဖဲပှၤမ့ၢ်တူၢ်လိာ်အီၤန့ၣ်, ကမၤစၢၤပှၤလၢအကျိၣ်စ့နုာ်အိၣ် ၃၀% မ့တမ့ၢ် အဖီလာ် ဖဲဟီၣ်ကဝီၤကျိၣ်စ့နုာ်ဖဲာ်ဘၣ်ခၢၣ်သး (Area Median Income) အပူၤတဖၣ် လၢကဃုထံၣ်န့ၢ် ဟံၣ်လၢအဝဲသ့ၣ်ဒိးလဲအိၣ်န့ၢ်ဝဲသ့န့ၣ်လီၤ.

“တၢ်ဆၢတဲာ်လၢမုၢ်မဆါတနံၤအံၤ ပာ်ဖျါထီၣ်ဒီး မၤလီၤတံၢ်ဝဲလၢ ကျိၣ်စ့ ဒီလာ ၅၀ ကကွဲၢ်န့ၣ် ကလဲၤဆူ ဟံၣ်လၢအပှ့ၤဘၣ်ဒီးပှၤဒိးလဲအိၣ်သ့ အဂီၢ်နီၢ်နီၢ်န့ၣ်လီၤ,” KC Tenants အခိၣ်အနၢ်တဂၤလၢအမ့ၢ် Johnathan Duncan စံးဝဲဒၣ်န့ၣ်လီၤ.

“ခံမံၤတမံၤန့ၣ် ကျိၣ်စ့အံၤ ကလဲၤနုာ်လီၤဆူ တၢ်သူၣ်ထီၣ်ဟံၣ်ဃီစ့ပာ်ကီၤ အပူၤနီၢ်နီၢ် ဒီးတဘၣ်တၢ်သူအီၤလၢ ဝ့ၢ်အတၢ်လိၣ်ဘၣ်အဂၤတဖၣ်အဂီၢ်ဘၣ် မ့မ့ၢ်တခီ ကဘၣ်တၢ်ပာ်ပနီၣ်အီၤလၢ ပတၢ်သူၣ်ထီၣ်ဟံၣ်ဃီစ့ပာ်ကီၤ အဂီၢ်န့ၣ်လီၤ,” ကီၢ်ရ့ၣ် ၃ ကီၣ်စ့ၣ်ပှၤဘၣ်မူဘၣ်ဒါ Melissa Robinson စံးဝဲဒၣ်န့ၣ်လီၤ.

ဝ့ၢ်ကီၣ်စ့ၣ် ပှၤဘၣ်မူဘၣ်ဒါ Melissa Robinson ဒီး KC Tenants အခိၣ်အနၢ်တဖၣ် စံးဝဲလၢ ကျိၣ်စ့အံၤ ကမၤစၢၤဒုးအိၣ်ဒုးဆိး ပှၤလၢအကျိၣ်စ့နုာ်အိၣ် ၃၀% မ့တမ့ၢ် အဖီလာ် ဖဲဟီၣ်ကဝီၤကျိၣ်စ့နုာ်ဖဲာ်ဘၣ်ခၢၣ်သး (Area Median Income) အပူၤတဖၣ်န့ၣ်လီၤ.

“ပမ့ၢ်ကွၢ်ပှၤလၢအန့ၢ်ဘၣ်ကျိၣ်စ့ တနံၣ်လၢ်လၢ် ဒီလာ ၁၈,၀၀၀ အဃိာ်အထၢတဖၣ်န့ၣ်, အဝဲသ့ၣ်အကျိၣ်စ့နုာ် တလၢတပှဲၤဒ်သိးကဒိးန့ၢ်ဘၣ် စ့မၤစၢၤ မ့တမ့ၢ် ဟံၣ်လၢပှၤစှၤလီၤအပှ့ၤ လၢ Housing Authority (ဟံၣ်ဃီတၢ်ပၢတၢ်ပြးဝဲၤကျိၤ) အအိၣ်ဘၣ်,” ကီၣ်စ့ၣ်ပှၤဘၣ်မူဘၣ်ဒါ Robinson စံးဝဲလီၤ. “ဘၣ်ဆၣ် အဝဲသ့ၣ်ဟ့ၣ် ဟံၣ်လဲဒ်ဖိးသဲစးအပှ့ၤလၢအအိၣ်ဝဲအသိး တန့ၢ်စ့ၢ်ကီးဘၣ်, အဃိ ပကွၢ်ဃုပှၤလၢအဟ့ၣ် ဟံၣ်လဲတလါ ဒီလာ ၆၀၀ အဃိာ်အထၢ လၢဟံၣ်ဒွဲတဖျၢၣ်အဂီၢ် န့ၢ်ဝဲတဖၣ်န့ၣ်လီၤ.”

Duncan လၢအအိၣ်ဒီး KC Tenants န့ၣ် စံးအါထီၣ်ဝဲလၢ ၃၀ ရမျး AMI လၢပှၤအါဒံအါဂၤတသ့ၣ်ညါဝဲဘၣ်န့ၣ် မ့ၢ်ဝဲ ဒီလာ ၅၀၀ အဃိာ်အထၢ လၢဟံၣ်လၢအအိၣ်ဒီး လီၢ်မံဒၢတဖျၢၣ်အဂီၢ် ဒီးမ့ၢ်ထိၣ်သတြီၤဒီး ၆၀ ရမျး AMI န့ၣ် မ့ၢ်ဝဲ ဒီလာ ၁,၂၀၀ လၢဟံၣ်လၢအအိၣ်ဒီး လီၢ်မံဒၢတဖျၢၣ်အဂီၢ်န့ၣ်လီၤ, Duncan စံးဝဲလီၤ. “တၢ်အံၤမ့ၢ် ဟံၣ်လၢအပှ့ၤဘၣ်ဒီးပှၤဒိးလဲအိၣ်သ့ နီၢ်နီၢ်န့ၣ်လီၤ,” Duncan စံးဝဲလီၤ.

KC Tenant အခိၣ်အနၢ်တဖၣ် ဒီး ကီၣ်စ့ၣ်ပှၤဘၣ်မူဘၣ်ဒါ Robinson တဲဘၣ် KSHB 41 News လၢ တၢ်ဆှၢထီၣ် တၢ်ဆၢတဲာ်အံၤဆူ ဝ့ၢ်ကီၣ်စ့ၣ် အအိၣ်န့ၣ် မ့ၢ်ဝဲတၢ်ခီၣ်ထံးခီၣ်ဘိအဒိၣ်အမုၢ်တခါ လၢတၢ်ကဘှါဆှဲ ဟံၣ်ဃီတၢ်ကီတၢ်ခဲအဂီၢ်န့ၣ်လီၤ.

“ဖဲဝ့ၢ်အံၤအပူၤ ပမ့ၢ်အိၣ်ဒီးပှၤလၢအမၤတၢ်, ပှၤလၢအအိၣ်ဆိး, ပှၤလၢအဒုးအိၣ်ထီၣ်တၢ်ကဲဘျုးတဖၣ်န့ၣ်, ပကအိၣ်ဒီးဝ့ၢ်လၢအဂံၢ်ဆူၣ်ထီၣ် ဒီးအဃိ တၢ်အံၤမ့ၢ်တၢ်လိၣ်ဘၣ်ဖးဒိၣ်ဒီးယိာ်မးတခါ လၢပလိၣ်ပာ်အီၤလၢ တၢ်လူာ်ပိာ်ထွဲအခိၣ်သ့ၣ်န့ၣ်လီၤ.” ကီၣ်စ့ၣ်ပှၤဘၣ်မူဘၣ်ဒါ Robinson စံးဝဲဒၣ်န့ၣ်လီၤ.